20.11.2022.
Na ovoneđeljnoj Generalnoj konferenciji za tegove i mjere u Parizu usvojeni su prefiksi koji će označavati izuzetno velike i malene mjere, tj. brojeve s 27 odnosno 30 nula
Deka, hekto, kilo, mega, giga, tera, peta, eksa, zeta, jota… to su dosadašnji prefiksi za označavanje većih jedinica unutar SI sistema, a značenja su im od 10 pa sve do 1024. S druge strane, prefiksi za jedinice s vrlo malenim iznosima idu od deci (10-1) pa do jokto (10-24). No, naučnicima je ovaj raspon, od 24 nule prije do 24 nule poslije decimalnog zareza, postao premalen. Stoga su na ovoneđeljnoj Generalnoj konferenciji za tegove i mjere u Parizu uveli po dva nova prefiksa sa svake strane ove skale.
Novi prefiksi za velike mjere mogli bi biti korisni za izražavanje količina podataka, koji se u današnje vrijeme generišu i prenose u sve većim količinama. Isto tako novi nazivi moći će pojednostaviti izražavanje mase kosmičkih objekata. S druge strane spektra, prefiksi za izuzetno malene mjere moći će biti korišteni kod opisivanja izuzetno slabih fenomena, kao što je, na primjer, kosmičko pozadinsko zračenje.
Rona i kveta
Novi, dakle prefiksi mjernih jedinica su:
- rona (ronna) za 1027,
- kveta (quetta) za 1030,
- ronto za 10-27
- kvekto (quecto) za 10-30.
Do sada su se umjesto 1027 neslužbeno ponekad koristili prefiksi bronto ili hela, ali oni se u SI sistem nijesu mogli uklopiti jer dijele prvo slovo s nekim već postojećim oznakama. Slova r i q ostala su, kažu naučnici, još jedina slobodna slova engleske abecede, kojima ne počinju druge oznake. Iz tog razloga učesnici Konferencije morali su se dośetiti novih naziva, s jedinstvenim početnim slovima. Iako će se u našoj transkripciji novi prefiksi vjerojatno pisati kao kveta i kvekto, no simboli su im Q i q, kako se “k” ne bi moglo zamijeniti za prefiks kilo.
Prva je ovo nadogradnja prefiksa od 1991. godine, kada su u SI sistem službeno uvedeni zeta, jota, zepto i jokto. Sljedeća se ne očekuje u narednih 25 godina, jer bi ovakav sistem trebao dobro poslužiti naučnicima u doglednoj budućnosti.
Jednu korisnu primjenu novouvedenih oznaka istakao je Richard Brown, direktor odjeljenja za mjerne jedinice u Nacionalnoj fizikalnoj laboratoriji Ujedinjenog Kraljevstva. Koristeći nove prefikse, kaže, “možemo reći da planeta Zemlja teži otprilike 6 ronagrama, što je šestica iza koje slijedi 27 nula, a Jupiter oko dva kvetagrama”.
Predmetci (prefiksi) mjernih jedinica
| Faktor | Prefiks (simbol) | Vrijednost |
| 1 000 000 000 000 000 000 000 000 000 000 | quetta (Q) | 1030 |
| 1 000 000 000 000 000 000 000 000 000 | rona (R) | 1027 |
| 1 000 000 000 000 000 000 000 000 | jota (Y) | 1024 |
| 1 000 000 000 000 000 000 000 | zeta (Z) | 1021 |
| 1 000 000 000 000 000 000 | eksa (E) | 1018 |
| 1 000 000 000 000 000 | peta (P) | 1015 |
| 1 000 000 000 000 | tera (T) | 1012 |
| 1 000 000 000 | giga (G) | 109 |
| 1 000 000 | mega (M) | 106 |
| 1 000 | kilo (k) | 103 |
| 100 | hekto (h) | 102 |
| 10 | deka (da) | 101 |
| 1 | 100 | |
| 0.1 | deci (d) | 10-1 |
| 0.01 | centi (c) | 10-2 |
| 0.001 | milli (m) | 10-3 |
| 0.000 001 | mikro (µ) | 10-6 |
| 0.000 000 001 | nano (n) | 10-9 |
| 0.000 000 000 001 | piko (p) | 10-12 |
| 0.000 000 000 000 001 | femto (f) | 10-15 |
| 0.000 000 000 000 000 001 | ato (a) | 10-18 |
| 0.000 000 000 000 000 000 001 | zepto (z) | 10-21 |
| 0.000 000 000 000 000 000 000 001 | jokto (y) | 10-24 |
| 0.000 000 000 000 000 000 000 000 001 | ronto (r) | 10-27 |
| 0.000 000 000 000 000 000 000 000 000 001 | quecto (q) | 10-30 |
Preuzeto: https://www.bug.hr
