Novi udžbenici

Pred početak prošle 2011/12 školske godine došlo je do značajnih promjena kod nastavnog predmeta Osnovi tehnike i informatike. Umjesto jednog, nastala su dva predmeta –  Osnovi tehnike  koji se izučava u V i VII razredu i Informatika koji se izučava u VI razredu. Došlo je i do promjene broja časova, što je neminovno izazvalo i promjenu u programima ovih predmeta, a to je zahtijevalo i nove udžbenike. Kako je promjena nastupila kad je već počela školska godina, a ne znatno ranije, nije bilo vremena da se pripreme novi udžbenici. Tako su se i udženici i nastavnici prošle godine radili po novim programima a starim udžbenicima.

Na sajtu Zavoda za udžbenike i nastavna sredstva Podgorica, među novim udžbenicima mogu se vidjeti i nova izdanja za Osnovi tehnike za V i VII razred i Informatika za VI razred.